Kompania jonë është shumë e dedikuar ndaj ruajtjes së cilësisë dhe autenticitetit të lëndës së parë. Shumë nga kompanitë e ndryshme që operojnë në fushën e eksportit e përpunimit të bimëve e blejnë lëndën e parë nga zona dhe grumbullues të pakontrolluar, duke e bërë të vështirë ruajtjen e sigurisë ushqimore dhe ndjekjen e problemeve që mund të dalin me produktin.
Ndërsa Relikaj ka investuar shumë për këtë drejtim, duke krijuar një sistem shumë të qëndrueshëm menaxhimi të fermereve. Kompania ka një marrëdhënie të vazhdueshme dhe afatgjatë me fermerët duke u nisur nga pozicioni i përshtatshëm gjeografik ku kompania është e lokalizuar. Fabrika ndodhet në zonën e Koplikut, pjesë e zonës Dalmatia, një ndër më të njohurat në botë për kultivimin e sherebelës, trumzës, timusit dhe rigonit.
Në shtator të 2017 kompania Relikaj është çertifikuar me Rainforest Alliance, ku ferma të certifikuara operojnë në një sistem të qëndrueshëm ambjental duke u mbeshtetur në ligjet kombëtare dhe të drejtat e fermerit. Në sistemin tonë të certifikimit janë rreth 120 ferma të qëndrueshme me një prodhim vjetor prej 1,000 ton sherebel të certifikuar.
Në mënyre që produkti të gjurmohet si duhet, cdo fermer përdor thase të rinj të dhënë nga Relikaj ku cdo thes ka dhe kodin e fermerit dhe të fermes që ai përfaqëson. Kodi është i rregjistruar online dhe i gjithë procesi i lëvizjes së produktit monitorohet në kohë reale. Ky kod mbahet gjatë gjithë zinxhirit të punës, nga ku produkti korret, magazinohet, procesohet dhe paketohet duke u ruajtur në formën më ideale gjurmueshmëria dhe cilësia e produktit përfundimtar.
Kompania Relikaj është një nga kompanitë më inovatore të tregut të erëzave dhe bimëve medicinale në rajon. Kemi sjellë risi të reja në fushën e bujqësisë duke implementuar teknologjinë e dixhitalizimit në ferma. Ne e marrim lëndën e parë direkt nga fermeri dhe për t’i dhënë më shumë vlerë këtij procesi, kemi integruar nje sistem monitorimi online për të gjithë procesin operacional në ferma. Cdo fermer që është i rregjistruar në sistemin e blerjes të Relikaj, ka në celularin e tij nje aplikacion në të cilin hedh informacion të vazhdueshëm mbi kultivimin, mbi koordinatat GPS të fermes, mbi kohën e korrjes, mbi madhësinë e fermës, mbi procedurat e korrjes si dhe informon në sistem mbi të gjithë hapat që ka ndjekur për të mirembajtur dhe menaxhuar fermën.
Informacioni ndahet me kompaninë në kohë reale dhe mund t’i jepet cdo klienti në Amerikë apo cdo vend tjetër që blen produkt tek Relikaj. Implementimi i këtij sistemi modern në ferma ndikon pozitivisht në produktivitetin e fermës, parashikon sasitë e korrjes, informon dhe bind konsumatorin final se nga vjen produkti që ai blen si dhe siguron një gjurmueshmëri të nivelit.